اه يا ريس
يا ليت تسمعني يا ريس
والله بجد
ها اقولك حكاية
والله يا ريس
مش بهيص
يا ليت تسمعني وتفهمني
مش انا واحد من ولادك
ولا مش فاكرني
اكيد مش فاكر
وها تعمل ايه
كتر خير الدفاتر
ها تشيل ايه ولا ايه
الله يعينك يا ريس
ها تلاقيها
من مين ولا مين
من اللي حامينها
ولا اللي سارقنها
ولا اللي بايعنها
ويقولوا لنا شرينها
الله يعينك يا ريس
يا ليت تسمعني
دي رسالة وها ابعتها
ها كذب في اولها
واصدق فاخرها
ما هو لازم اكذب
عشان توصلك
لو ما كذبت
يا ريس
ها يقطعوها ويرموها
قبل ما توصل ولا حتى تشوفوها
بجد يا ريس مش بهيس
لازم اكذب قبل ما اكتب
يمكن أقدر اوصل
للي ها يقري بعد ما اكتب
الله يعينك
يا ريس
سكرتير وحاشيه وخدام
وناس وزري وناس قدام
تشريفه ووزره
ومستشارين ومهندسين
كلهم يا ريس زي بعض
ولله ما بهيص
انا كذبت وكتبت
عنوان رسالتي
من وزارة المالية لرئيس البلاد
ما هو انا يا ريس
لو كتبت من عبد من العباد
لرئيس البلاد
كانت راحت رسالتي
لأقرب سله
ويخبر كان عليه وعلى عيلتي
كل ده كان يحصل لو عرفه رسالتي
سامحني يا ريس
انت عارف ايه اللي حاصل
والله مانت عارف
ولا فاهم ولا شيف
ومنين ها تعرف
والكلاب واقفه ومانعه وحاجزه
كل اللي حصل
ده انت لو عرفت
كنت يا ريس
اسف اقولك
كنت قرفت
غصب عني يا ريس
لازم اقولك
ما لفروض انى ابنك
ولا يمكن ابن ابنك
ما انا يا ريس
من يوم ما أتولدت
ما شفت ولا عرفت
غيرك ريس
كل البلاد
تتغير
تعلي وتزل
ورؤساء تروح
وملوك تزول
وامرا تموت
وسلاطين تغور
وانت يا ريس
ماشا الله عليك
متربع وعلينا ومستريس
يا رب دومها يا ريس
في كل مكان
والبال مرتاح
والناس في امان
وعيشه وليالي ملاح
فئات وعمال
حتى كمان الفلاح
ما الخير خيرك يا ريس
القطن منور ومبيض
في كل الغيطان
والسكر والقصب
مالي كل مكان
حتى الفول يا ريس
مزروع تحت الحطان
ولا القمح يا ريس
بقي انواع وانواع
الله يبارك لك يا ريس
الطوابير انتهت
من المخابز واختفت
من كتر القمح يا ريس
ولا الشقق
بقت على الكيف
بالرقم القومي
تأخذ شقه يا ريس
مميزه شتا وصيف
برحه ومطارحها كتيره
الله يوسع عليك يا ريس
فاكر زمان يا ريس
قبل ما تبقي ريس
ده كلام قالوه لي جدي
لان طول عمري شيفك
على راسنا وتحرصنا
من اللي يسرقنا
الله يخليك يا ريس
فاكر يا ريس
لما كانت الزحمة
في كل مكان
في الشارع والبيت والدكان
فاكر لما كانت غرف
وما كانت شقق
فاكر يا ريس
ده احنا كنا في زل
وانت يا سيد الكل
شلت الحمل وعنا شيلت
الهم والغم
وخليت الفرح يعم
الله يديمها نعمه يا ريس
عارف يا ريس
انا عارف إنك مش عارف
ها اعرفك يا ريس
حراسك يا ريس
وزره وسفره
مستشارين ولا حتى خدامين
عارف يا ريس
ليك مخلصين
قوي يا ريس
اسمح لي يا ريس
دول اوفي من الكلاب
اسمح لي هما كلاب الريس
اقصد اوفياء الريس
عارف يا ريس
في كل مكان
الكلاب تعض
وتنبح بس يا ريس
بس كلابك
غير كل الكلاب
اوفياء يا ريس
عرف عشنك
يعملوا ايه
عمرك شفت يا ريس
كلاب تعض وتقرص
دي كمان تنطح وترفص
جيبتهم منين يا ريس
الله يخليك يا ريس
ريحنا يا ريس
وها تلنا اسوده
ولا حتى فهوده
اي حاجه
غير كلابك يا ريس
انا عارف أنك مش مصدق
طاب ها اقولك
اعمل مرا زي ما اقولك
يمكن تصدق يا ريس
البس لبس عادي
لبس الواد
على ولا هادي
وانزل أتمشي
بس الاول أتعشي
حتى ان موتوك
تبقي كلت يا ريس
أتمشي
من غير ما يعرفوك
واغلط مرا واسال
عن الرئيس
اسأل واللي يحصل ........يحصل
بس من غير ما يعرفوك
عارف يا ريس
ها ينعلوا سلسا فيلك
وسلسا فيل ابوك
والله يا ريس
من رجليك ها يجروك
ويهنوك ويهينوا ابوك
وها تلاقي يا ريس
رفص وقرص
يمكن وعض ونطح
ويمكن يا ريس
الاقيك جنبي
بالمستشفى
ما هو ده ذنبي
ان سئلت ع الريس
عرفت يا ريس
عرفت كلابك
عملت ايه في ولادك
عرفت يا ريس
عارف ليه انا بالمستشفى
راقد واتمني اشفي
عندي داء الكلب
من عضة كلاب الكلب
اسف قصدي ولاد الكلب
وراسي كسروها
من النطح والبطح
حتى جنابي
خربشوها وقرصوها
عارف يا ريس
الشرطة
قالت دي عركه
والدكاترة
قالت الكلاب بريئة
دي كلاب شريفه
ونضيفه وعفيفة
عارف يا ريس
ليه قالوا
عشان عارفين
انهم كلابك يا ريس
سامحني يا ريس
انا كنت با فضفض
قبل ما اموت
من الغيظ والكبت
مش من النطح
ولا حتى العض
انت عارف يا ريس
ان كل العيلة
راحت هيله بيلة
من بعد
سؤالي عليك يا ريس
مش عارف هما فين
حيين ولا ميتين
بس انا كنت
جاي اسأل واكت
مش اكتر ولا اقل
اسأل عن بطاقتي
مش انا من القوم
ولا يا ريس
البطائق لكلابك بس
ده كان سؤالي
ومش عاوز اجابته
كافيه اللي شوفته
من يوم ما سألته
الله يهديك
يا ريس
وتعين سماوي
يريحنا
من كلابك يا ريس
يا رب ترتاح انت كمان
وتريحنا من كل
كلابك يا ريس
ونعيش زمن زمان
مع ابويا وخالي
وعمي وجدي كمان
وننسي الكلاب
واللي حطها
الله يا خدهم
كلهم بلمتهم
ويأخذ اللي جابهم
واللي حاطهم
انا مش عليك يا ريس
انا عارف انت لا تشيل
ولا تحط
انت وسطيهم
تعمل اوامرهم
وتنفذ كلامهم
ما هما المستشارين يا ريس
يا رب
يا خدني انا يا ريس
وخليك مبلط فيها
وارقص وهيص يا ريس
الدوحة أبو
عمرو 23/9/2010
****************
ليست هناك تعليقات:
إرسال تعليق