الغربة
اه واه
وألف اه واه
من زمن غريب عجيب
يدوخ فينا ويلف بينا
ما بين بحور ومراكب
وألف مينا ومينا
ولا عرفنا فين شطوطينا
ولا مرسينا
وبلاد بلاد......بلاد
ونروح ونجئ
بين مراد وامال
لا بالغين
مرادنا ولا ناسيين املنا
ونتوه بين العباد وندور
نتوه
والامل في رب العباد
يمكن
ولا يصادفنا يجئنا
ونعرف
فين شوطينا ومرسينا
ماشيين
واملنا وزادنا
همنا
وعلى المولي تكالنا
وتاركين ورانا
اهلنا
ولادنا وعيالنا
وبلاد غاليه
فيها مواطنا
ومارسينا وشوطينا
نصادف ناس
وناس ......وناس
وكل ألوان
من كل الاجناس
والناس معادن واجناس
فيه الماس
وفيه النحاس
ناس تشعر في وصفها
وناس في طبعها تحتاس
وبين كل الناس تضيع منا
شوطينا ومرسينا
ونحط في شواطئ ومواني
ونلملم قلاعنا وشراعنا
ونقول
يا رب العباد هنا مرادنا
يا رب نكون بلغنا
اللي في بالنا
ونرتاح يوم والتاني
كتيره سنه او شهر
ونشوف وشوش
غير وشوشنا
وناس كمان غيرنا
وندور من جديد
فين مارسينا وشوطينا
وراح العمر منا
ولف الزمن بينا
ونسينا
اننا بشر
علينا حقوق ولينا
وضاع الزمن
والعمر في سنينا
وغير كتير فينا
حتى معالمنا
بقت
غير اللي كانت فينا
واحنا لسا برضوا
ندور
على شوطينا ومرسينا
شوف
الشعر والوجوه
غير اللي كانت
حتى الخلايا
في الجسم شابت
وكمان ماتت
والضحكة اللي كانت
هي كمان
راحت وتاهت
زي شوطينا ومرسينا
بس في حاجه ثانية
طارحه
ماليه الوجوه
امل وفرحه
العيال اللي كانت
في حياتنا
قبل شقانا
ملت علينا بيوتنا
وهونت تعبنا
وشقانا
وذوبت
همومنا واسانا
ما هما
شوطينا ومرسينا
وفيهم
ألف شط وألف مينا
****************
أبو عمرو أبو العلا المنيا 11/01/2011
ليست هناك تعليقات:
إرسال تعليق